LANAO DEL MAG-UUMA MIGRADWAR SA FFS

Kinatibuk-ang 150 ka mga mag-uuma gikan sa nagkadaiyang barangay sa Lala, Lanao del Norte migradwar niadtong nakalabayng Oktubre 12, 2009 sa The Season-Long Farmer's Field School (FFS) on Rice Production ( palay check system) sa Flores Cultural Center, Maranding Lanao del Norte. Si Dr. Edna Mabesa, Agricultural Training Institute ( ATI) RTC-, Center Director, mihatag sa mga certificates of completion, uban sa Provincial Agriculture Office gipanguluhan ni Letecia G. Ditucalan, Department of Agriculture ( DA)Regional Field Unit X ug Local Government sa Lala ubos sa liderato ni Mayor Santiago Bontilao Si Dr. Mabesa mipasabot kalabot sa palay check training sa mga  munisipalidad nga nagproduce ug bugas ug pag-ila sa mga gitawag nga higalanhg insekto ug mga dangan o insekto sa matag stage sa crop ug sa mga disease nga moataki a mga palay o tipasi sa panahon sa ting-ani. Ang palay check technology training naglakip sa pagpahigayon un Minus One Technique ( MOET) ug Leaf Color Chart (LCC) techniques diha sa nutrient deficiency, guide fertilizer application ug generate savings diha sa paggamit ug mga abuno. Ang kaakuhan sa ATI mao ang paghatag ug extension services ngadto sa mga mag-uuma pinaagi sa trainings ug pinaagi unya niini, ang mga mag-uuma makahimo usab sa paggamit sa ilng nakat-unan ug makahatag ug ayudang technical ngadto sa ilang kaubang mga mag-uuma. Ang Provincial Government sa Lanao del Norte, mihatag ug prayoridad sa pagpalambo sa mga Agricultural Field o kaumahan sa lalawigan pinaagi sa paggamit sa labing maayong paagi ug mga modernong kahimanan aron makab-ot ang ekonomikanhong kalamboan.( rng)